 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Зь першых хвілін да апошняга дня
Дыхае мовай жывой, як паветрам,
Там чалавек, дзе шануе радня
Божы дарунак – галоўны і вечны.
Зь ёй, як на крылах, на волю ляціш,
Зь ёй не загіне душа і ў аковах.
Несьці свой крыж і ўзыходзіць на крыж
Вучыцца ў Госпада родная мова.
Хоць нашы вусны спрабуюць замкнуць,
Хоць гвалт і страх пераціснулі горла,
Трэба прыняць беларусам віну,
Трэба вяртаць непаўторнасьці голас.
Будзе нязводным народ, у якім
Слова і душы трымаюцца зьлітна.
Мова любая – стасунак людскі,
Родная мова – да Бога малітва.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
